‎Hawaasa, birra 04/2019(biirote dagate xaadooshshi dayrekitoreete) Mootimmate owaantenna gashshootu riformete loossa ranketenni gudate illachishino hasaawa assini.
‎
‎Sidaamu qoqqowi irshunna kalaqamu jiro latishshi biiro hanaffinota mootimmatenna gashshootu riformete loossa rankitenni gudate illachishino hasaawa tekinikete komite miilla ledo hasaawa assinoonnita xawinsoonni.
‎
‎Hasaawa massaginohu biirote sooreessi amaalaanchi kalaa Aklilu Adulihu mootimma dagate uyitanno owaante lifixa assatenni danchu gashshooti xa'mubba qoletenna yannillicho owaante assate hananfoonniha riformete loossa ranketenni gudate illacha uyinoonni haja ikkase xawisino.
‎
‎Xaa geeshsha loosaminoha mootimmate owaantenna gashshootu riformete loossa riphoorte biirote aantaanchinna gashshootunna womaashshu handaari sooreessi kalaa Zemaachi Irxibehu shiqisheenna hasaawa assinoonni.
‎
‎Aanteteno harancho yanna giddo lee timubba loossanno tekinikete gaamonni beehantino miilla wole loossanni amadantannokki garinni hasiissanno sanadda qixxeessite guddanno hayyo aana orenteshiine uyinoonni.