Mixi’noonni Loossa
Giwirinnu lopho jeefo gansiisate giwirinnu giwaatta shiqo handaari riqiwo noyikki qeechi noosiha ikkanna konneno hasi’nanni bikki, yannatenni, isilaanchimmateni nna danunni hattono mereerimu waaginni shiqisha hasiisanno loosoti.
Yanna yannantenni lexxitanni dagginota dagate kiiro sagaletenni umo dandiisatenna rakkinota gobbate lopho abatte giwirinnu looso rosichunni daggino hayyonni fushshine woyyaabino giwirinnu mekkanayizeshiine tekinolooje horoonsi’nanni widira qolle abbatenni laalchonna laalchimma leda nna qoqqowinke daga ikkonoomete lophitanno gede assate illacha tunge loosa hasiissanno.
Giwaatete shiqote aana xaaddano qarrubba tirate wixu batishshi loosi aana keeshshitino mitimmate loosi bissanna hallanyoota kaajishshanna irko assa, ledoteno hirante shiqqanno giwaate shiqishshanno agiro-dileroota albinni roorino garinni jawaachishate loosi hala’lano.
Sai diro mixonke hasi’nooni garinni gumulamate xaadunke hekko seekine bande kaajado midaado jawaachishe laafu aana illacha tunge loosatenni 2018M.D laalchu dirira woyyawino guma maarekkisisate Giwirinnu Giwaattanna baadiyete faynaanse shiqo handaari mixo qixxessinonni.
Mixote Illacha
Giwirinnu giwaate shiqo bu’a halashshatenninna dhuka kaajishatenni hattonno amanantinota loosu amanyoote kalaqatenni isilaanchimmase buuxantino giwaate yannatenninna mereerimu waaginni shiqinshe loosidhe galtinori hasatto wonshatenni laalchonna laalchimma lossine maatete jireenya buxisiisate.
Qara qara timonna gumulantanno loossu umma
Timo 1:- Gumulatenna Gumulsisaate dhuka jawaachisa
- Giwirinnu giwaate shiqonna tuqishshi aana hedo cumishiishate laalchu dirira labbahu 646 meyaati 192 xaphooma 836 ogeeyyeranna hajo la’anonsa bissara qajeelsha aate mixo amandonni.
Timo 2. Dooramino wixi shiqo lainohunni
- Dooramino Agadu gidi wixa 17,583 kuntaala shiqishate mixo amandonni.
- Fiqaaqu gidi wixa 37,680 (Qamaadete 8,530 kuntaala , Hayiixe sagalehunni 13,350 kuntala , Hayixe Biirunihunni 14,606 kuntaalanna ,gaashe 1194 kuntaala) shiqishate mixo amandonni.
- Waahete wixi shiqo lainohunni 18,230 kuntaala shiqishate mixo amandonni.
- Baaqeelu wixa 1,025 kuntaala shiqishate mixo amandonni.
- Ataru Wixa 250 kuntaala shiqishate mixo amandonni.
- Dinichu wixa 32,000 kuntaala shiqishate mixo amandonni.
- Maxaaxeessu kutta kiirote 3.7 miloone shiqishshate mixo amandonni.
- Gati kaashshi wixa 1042 kuntaala shiqishate mixo amandonni.
Xaphoomunni dooramino wixi shiqo lainohunni Agaadu gidi wixinni 17,583 kuntaala , Fiqaaqu wixinni 37,680 kuntaal , Qaamatote gidi 20,547 kuntaala Dinichunni 32,000 kuntaala 3.7 milloone kiiro maxaaxxeessu kutta , Goyirte , gorsahonna badheessu yanna loosira shiqishate xaphooma 107,810 kuntaala mixo amandoniini.
- Hattono Gattino baatto diwate 43,155 ku/la C2 – C3 geeshsha nooha Fiqaaqunna qaamatote gidi wixa horonsirate mixo amandoonni.