የሲዳማ ብሔራዊ ክልላዊ መንግሥት የተፈጥሮ ሀብት ልማትና ግብርና ቢሮ

የኃላፊው መልዕክት

እርሻን በማዘመን፣ ተፈጥሮ ሀብትን በመጠበቅ፣ ዘላቂ ልማትን በማረጋገጥ!

የተከበራችሁ የሲዳማ ክልል ነዋሪዎች፣ የእርሻና ተፈጥሮ ሀብት ልማት ዘርፍ ባለድርሻ አካላት፣ የቢሮው ሠራተኞችና የልማት አጋሮች፤
የሲዳማ ክልል እርሻና ተፈጥሮ ሀብት ልማት ቢሮ የክልላችንን የእርሻ ልማት በማጠናከር፣ የተፈጥሮ ሀብትን በዘላቂነት በመጠበቅና በማልማት፣ የአርሶ አደሩን የኑሮ ደረጃ በማሻሻል ለክልላችን ሁለንተናዊ ልማት የሚጠበቅበትን ተልዕኮ በቁርጠኝነት ይወጣል።

ሙሉ መልዕክቱን ያንብቡያነሰ ያንብቡ

የእርሻ ዘርፍ የኢኮኖሚያችን መሠረት እንደመሆኑ፣ ምርትና ምርታማነትን ማሳደግ፣ የዘመናዊ ግብርና ቴክኖሎጂን አጠቃቀም ማስፋፋት፣ የግብርና ግብዓት አቅርቦትና አጠቃቀምን ማሻሻል እንዲሁም የግብርና ምርቶችን ጥራትና የገበያ ተወዳዳሪነት ማሳደግ የሥራችን ዋና አቅጣጫዎች ናቸው።

በተመሳሳይም የአፈርና ውሃ ጥበቃ፣ የተፈጥሮ ሀብት ልማት፣ የአካባቢ ጥበቃና የሀብት አጠቃቀም ዘላቂነት ለወቅታዊና ለትውልድ ተሻጋሪ ልማት ወሳኝ መሆኑን በመገንዘብ በተቀናጀ አሠራር እንሰራለን።

የቢሮው ራዕይ የሚሳካው በጠንካራ አመራር፣ በብቃት የተሞላ የሰው ኃይል፣ በተጠያቂነት የሚመራ አሠራርና በባለድርሻ አካላት የጋራ ትብብር ነው። በመሆኑም ቢሮው ተቋማዊ አቅሙን በማጠናከር፣ የሪፎርም ሥራዎችን በማስፋፋትና የአፈጻጸም ጥራትን በማረጋገጥ የተሰጠውን ኃላፊነት በውጤታማነት ለመወጣት ይተጋል።

የእርሻ ልማትና የተፈጥሮ ሀብት ጥበቃ የመንግሥት ተቋም ብቻ ሳይሆን፣ የአርሶ አደሩ፣ የልማት አጋሮችና የመላው ማኅበረሰብ የጋራ ኃላፊነት ነው። ስለሆነም ሁላችንም በትብብር፣ በትጋትና በተግባራዊ ተሳትፎ የክልላችንን የልማት ግቦች ለማሳካት እንድንሰራ ጥሪዬን አቀርባለሁ።

የተሻለ ምርት፣ የተጠበቀ ተፈጥሮ ሀብት፣ የበለጸገ ማኅበረሰብ!
አመሰግናለሁ!
አቶ አሱፋው ጎኔሶ
የሲዳማ ክልል እርሻና ተፈጥሮ ሀብት ልማት ቢሮ ኃላፊ